Wednesday, July 22, 2015

നിശബ്ദ ഭവനം


നീണ്ടും കുറുകിയും
നിറമുള്ളതും നിറമറ്റതും
അലങ്കാരങ്ങളോടെയും അല്ലാതെയും
കാഴ്ച്ച യെത്തുന്നിടത്തെല്ലാം കുരിശുകൾ;
സന്ധ്യയോടൊപ്പം  വളരുന്ന
എന്റെ ഏകാന്തതയിലേക്ക്
അവ അങ്ങനെ തലനീട്ടി നില്ക്കുന്നു


ജനനദിവസംതന്നെ എത്തിച്ചേർന്നവർ,
ജീവിതത്തിന്റെ രഥചക്രത്തിലൂടെ
സുഖ-ദുഖങ്ങളുടെ ശതകം കടന്നവർ,
പ്രതീക്ഷകളുടെ ഇടവഴിയിൽ
അപ്രതീക്ഷിതമായ് ഇടറിവീണവർ
കുടുംബമായ് ഒരുമിച്ചെത്തിയവർ .

അനാഥമായ് കാടുകയറിയ -
കൽക്കെട്ടുകൾ
ജീവിതം
ഒറ്റവരിയിൽ രേഖപ്പെടുത്തിയ
തിളങ്ങുന്ന മാർബിൾ ഫലകങ്ങൾ
 പുത്തൻ അതിഥിക്കായ്
കാത്തിരിക്കുന്ന  നീളൻ കുഴി;
കാഴ്ച്ചകളുടെ നിശബ്ദതയ്ക്ക് നടുവിൽ
ഒരുപിടി പൂക്കളുമായ്‌ ഞാനും

അതിരിൽ വിടരുന്ന
കുഞ്ഞുപ്പൂക്കളിലേക്ക് പാറുന്ന
മഞ്ഞനിറമുള്ള പൂമ്പാറ്റയിലേക്ക്
എന്റെ കണ്ണുകൾ ചായുന്നു
തിളക്കമറ്റ പൂക്കളിലേക്ക്‌
ഉരുകിച്ചേരുന്ന മെഴുകുതിരിയുടെ
ഈ കുഞ്ഞിവെട്ടത്തിലും

8 comments:

ഒരു കുഞ്ഞുമയിൽപീലി said... Best Blogger TipsReply itBest Blogger Templates

നിശബ്ദതയിലും ശബ്ദമുള്ള കവിത

സൗഗന്ധികം said... Best Blogger TipsReply itBest Blogger Templates

ഒരു പ്രത്യേക അന്തരീക്ഷം സൃഷ്ടിച്ചു വരികളിലൂടെ.... അവസാനഭാഗമേറെയിഷ്ടമായി. മരണത്തിന്റെ നിശ്ശബ്ദ്ദഭൂമികയിലും, ശുഭസീമകളിലേക്ക് മനസ്സിനെയാനയിക്കുന്ന... പ്രത്യാശയുടെ കുഞ്ഞുചിറകുകൾ നീർത്തിപ്പറക്കുന്ന മഞ്ഞശലഭം..!! ഒരിക്കൽ ചിറകുകൾ കൊഴിയും. തളർന്നു വീഴും. എങ്കിലുമതിന്റെ കണ്ണില്പ്പെടുന്നത് പ്രതീക്ഷയുടെ വർണ്ണോദയങ്ങൾ തന്നെ. അതു ശവപ്പറമ്പിലായാലും..! ഈ സന്ദേശം തന്നെ ഈ കവിതയുടെ ഭംഗിയും, പ്രസക്തിയും. വളരെയിഷ്ടമായി റിനു ഭായ്.


ശുഭാശംസകൾ......

ajith said... Best Blogger TipsReply itBest Blogger Templates

ഒരുപിടി പൂക്കളുമായി ഞാനുമുണ്ട്

Cv Thankappan said... Best Blogger TipsReply itBest Blogger Templates

ഒരുപിടി പൂക്കളുമായ്‌ ഞാനും.............

രാജാവ് said... Best Blogger TipsReply itBest Blogger Templates

നല്ല വരികള്‍!!

കല്ലോലിനി said... Best Blogger TipsReply itBest Blogger Templates

വളരെ നല്ല കവിത.!!
ഒരു ശ്മശാനത്തെപ്പറ്റി ഇങ്ങനെയുമെഴുതാമോ...???
മനോഹരമായിരിക്കുന്നു.!!

കുട്ടനാടന്‍ കാറ്റ് said... Best Blogger TipsReply itBest Blogger Templates

സുഹൃത്തുക്കളെ .. ഗുരുസ്ഥാനീയരെ.. എല്ലാവരോടും നന്ദി

Salim kulukkallur said... Best Blogger TipsReply itBest Blogger Templates

നന്നായി , നല്ല കവിത..!