നിന്റെ മിഴിയില്‍ പിടഞ്ഞ
മഴനീരുനോക്കി ഞാനിതാ
ഈ നാട്ടുവഴിയില്‍ .
ഈറന്‍ കാറ്റു വന്നെന്റെ
കവിളില്‍ തഴുകുന്നു
നീര്‍മണി മുത്തുകള്‍
ചിതറി പറക്കുന്നു .
തളിര് നിറഞ്ഞൊരു
ഇലവിന്റെ പാദസ്വരം
കുളിരു പുതച്ചൊരു
പകലിന്റെ നിസ്വനം.
മണ്ണ് കുഴഞ്ഞ
കാലടിപാടുകള്‍ .
സ്വരമടക്കി
കരിയിലകളരികില്‍ .
ഇടറി വീണ
ഇളംവെയിലില്‍
ഇലതുമ്പുകള്‍ ഉണരുന്നു .
പടര്‍ന്ന നിറങ്ങളില്‍
നിറഞ്ഞു നീലവിധാനം.
ഒരു മഴപകലുകുട് -
ഇവിടെ കൊഴിയുന്നു
നിനവിലേക്കൊരു
സുന്ദര ചിത്രമായി,
ജന്മ സുകൃതമായി .
2 comments:
കൊള്ളാം
തളിര് നിറഞ്ഞൊരു
ഇലവിന്റെ പാദസ്വരം
ഇതിലെ ഇലവ് എന്നത് എന്താണ്?
ഇലവ് എന്നൊരു മരമുണ്ട്, അതാണോ?
നന്ദി
തന്നെ തന്നെ ....പഞ്ഞി മരം
Post a Comment